Xəbər lenti‎ > ‎

AMEA Direktorlar Şurasının növbəti iclası keçiriləcək

Отправлено 15 дек. 2014 г., 23:50 пользователем Murad Nabibekov   [ обновлено 15 дек. 2014 г., 23:50 ]

        
Dekabrın 17-də saat 15:00-da AMEA-nın Əsas binasında akademiyanın elmi müəssisələrinin Direktorları Şurasının növbəti iclası keçiriləcək. İclasda AMEA-nın prezidenti, vitse-prezidentləri, akademik-katibi, elmi bölmələrin akademik-katibləri, AMEA-nın elmi müəssisələrinin direktorları, AMEA Rəyasət Heyəti Mərkəzi aparatının idarə və şöbə rəisləri, habelə gündəlikdəki məsələlərə aidiyyəti olan digər alim və mütəxəssislər iştirak edəcək.



        İclasın gündəliyinə aşağıdakı mühüm məsələlər daxildir:

        – Azərbaycan alimlərinin I Qurultayının keçirilməsi haqqında;
        – İllik hesabatların müzakirəsinin təşkili haqqında;
        – Elmi tədqiqat proqramlarının müsabiqəsi haqqında;
        – İnnovasiya və ixtira, faydalı model və sənaye nümunələri sərgisinin keçirilməsi haqqında;
        – AMEA-nın nəşriyyat planı haqqında.

        AMEA Elmi Müəssisələrinin Direktorlar Şurası AMEA Rəyasət Heyətinin 17 oktyabr 2013-cü il tarixli qərarı ilə yaradılmışdır. Direktorlar Şurasının yaradılmasında əsas məqsəd AMEA-da idarəetmənin və aparılan islahatların səmərəliliyinin artırılması, elmi müəssisələr arasında qarşılıqlı əlaqələrin inkişaf etdirilməsi, elmi-tədqiqat işlərinin aparılması üçün səmərəli mexanizmlərin hazırlanması, həmçinin inzibati-idarəetmə sahəsində peşəkarlığın yüksəldilməsidir.

        Qeyd edək ki, Direktorlar Şurasının sədri AMEA prezidenti, akademik Akif Əlizadədir.

        Ünvan: Bakı şəh., Hüseyn Cavid pr.,115, II mərtəbə.
Mənbə: www.science.az