Xəbər lenti‎ > ‎

“Azərbaycan - möcüzəli Odlar Yurdu” adlı kataloq çapdan çıxıb

Отправлено 10 дек. 2014 г., 8:51 пользователем Murad Nabibekov   [ обновлено 10 дек. 2014 г., 8:53 ]
        AMEA Milli Azərbaycan Tarixi Muzeyi tərəfindən “Azərbaycan- möcüzəli Odlar Yurdu” adlı kataloq çapdan çıxıb. Çex və ingilis dillərində hazırlanmış bu nəşrin elmi redaktoru muzeyin direktoru, akademik Nailə Vəlixanlı, mətnin müəllifi tarix üzrə fəlsəfə doktoru Səbuhi Əhmədovdur.

        Əsasən Çexiya oxucuları üçün nəzərdə tutulan kataloq hazırda Praqa şəhərində böyük uğurla keçən eyniadlı sərginin ziyarətçilərinə paylanır.
        Kataloqun ilk səhifələrində Milli Azərbaycan Tarixi və Çexiya Milli muzeylərinin direktorları Nailə Vəlixanlının və Mixal Lukeşin çex oxucularına müraciətləri yer alıb.
        Nəfis tərtibatlı, albom formatlı, 190 səhifəlik kataloqun birinci hissəsində Azərbaycan, onun adının mənşəyi, xalqımızın formalaşması, tarixi, mədəni irsi, turizm potensialı haqqında məlumat yerləşdirilib.
        Kataloqun ikinci hissəsində sərgidə nümayiş olunan 300 eksponat haqqında ətraflı məlumat verilib. Hər eksponatın fotoşəkilləri ilə bərabər onun adı, tapılma yeri, ölçüləri, dövrü qeyd olunub.

Mənbə: www.science.gov.az